fbpx
Wednesday, April 17, 2024

INDIA COVID-19 Statistics

44,998,565
Confirmed Cases
Updated on September 26, 2023 9:12 pm
531,930
Deaths
Updated on September 26, 2023 9:12 pm
557
ACTIVE CASES
Updated on September 26, 2023 9:12 pm
44,466,078
Recovered
Updated on September 26, 2023 9:12 pm
HomeInternationalమలేషియాలో కరోనా వైరస్ 10 రెట్లు ముప్పు?

మలేషియాలో కరోనా వైరస్ 10 రెట్లు ముప్పు?

MALAYSIAN-CORONA-VIRUS-10TIMES-DANGEROUS

కౌలాలంపూర్‌: చైనా లోని వూహాన్ లో పుట్టిన కరోనా వైరస్,‌ ఒక్కో దేశంలో/ప్రాంతంలో ఒక్కోలా తన రూపాన్ని మార్చుకుంటూ ప్రపంచాణ్ని మరింత సంక్షోభ పరిస్థితుల్లోకి నెట్టేస్తోంది. మలేసియాలోని ఈ వైరస్‌లో మరో కొత్త రకమైన జన్యు మార్పుల్ని శాస్త్రవేత్తలు కనుగొన్నారు. డీ614జీ అని పిలిచే ఈ కొత్త రకం మార్పులతో కరోనా వైరస్‌ 10 రెట్లు వేగంగా ఇతరులకి సోకుతుందని మలేసియన్‌ ఇన్‌స్టిట్యూట్‌ ఆఫ్‌ మెడికల్‌ రీసెర్చ్‌ గుర్తించింది. దీనినే సూపర్‌ స్ప్రెడర్‌గా పిలుస్తారు.

భారత్‌ నుంచి మలేషియాకు వచ్చిన ఒక రెస్టారెంట్‌ ఓనర్‌ క్వారంటైన్‌ నిబంధనలు పాటించకుందా ఉల్లంఘించడంతో 45 మందికి ఈ వైరస్‌ సోకింది. అలా వైరస్‌ బారిన పడిన మూడు కేసుల్లో జన్యుపరమైన మార్పుల్ని గుర్తించినట్టుగా మలేసియా డైరెక్టర్‌ జనరల్‌ ఆఫ్‌ హెల్త్‌ నూర్‌ హిషమ్‌ అబ్దుల్లా ఫేస్‌బుక్‌ పోస్టింగ్‌లో వెల్లడించారు.

ఆ వ్యక్తికి అయిదు నెలల జైలు శిక్ష విధించారు. అదే విధంగా, ఫిలిప్పీన్స్‌ నుంచి వచ్చిన ఒక వ్యక్తి నుంచి వైరస్‌ సోకిన వారిలో కూడా జన్యుపరమైన మార్పులున్నట్టు వెల్లడైంది. ఈ జన్యు మార్పులతో వైరస్‌ ఇతరులపైకి సులభంగా దాడిని చేస్తూ , మునుపటిక్ కంటే 10 రెట్లు ఎక్కువగా వ్యాపిస్తుంది. కరోనా వైరస్‌లో ఈ కొత్త తరహా మార్పులతో ప్రజలు మరింత అప్రమత్తంగా వ్యవహరించాల్సిన అవసరం ఉందని అబ్దుల్లా తన పోస్టింగ్‌లో హెచ్చరికలు జారీ చేశారు.

‘‘ప్రజలు పరిశుభ్రంగా ఉంటూ భౌతిక దూరం పాటించాలి. మాస్కులు తప్పనిసరిగా ధరించాలి. వైరస్‌ 10 రెట్లు వేగంగా విజృంభిస్తుంది. ఆ చెయిన్‌ని బద్దలు కొట్టాలంటే ప్రజలు సహకరించాలి’’అని అబ్దుల్లా ప్రజలను కోరారు.

గత ఏడాది డిసెంబర్‌లో చైనాలోని వూహాన్‌లో తొలిసారిగా వైరస్‌ బయటకొచ్చి ప్రపంచ దేశాలకు వ్యాప్తి చెందే క్రమంలో జన్యుపరమైన మార్పుల్ని ఇప్పటికే గుర్తించారు. గతంలో ఈ తరహా జన్యు మార్పులు అమెరికా, యూరప్‌లలో గుర్తించారు. తాజాగా మలేసియాలోనూ బయటపడడం ఆందోళన పుట్టిస్తోంది. ఇలా వైరస్‌ జన్యు క్రమాన్ని మార్చుకుంటూ ఉంటే కరోనాకి వ్యాక్సిన్‌ అభివృద్ధి చేయడంలోనూ, ఔషధ తయారీలోనూ సవాళ్లు ఎదురవుతాయని కొందరు శాస్త్రవేత్తల్లో ఆందోళన నెలకొని ఉంది.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

Most Popular