న్యూఢిల్లీ: బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (బిసిసిఐ) అధ్యక్షుడు సౌరవ్ గంగూలీ గురువారం మాట్లాడుతూ, రోహిత్ శర్మను పూర్తి వైట్ బాల్ కెప్టెన్‌గా నియమించాలని బోర్డు మరియు సెలెక్టర్లు కలిసి నిర్ణయించారని చెప్పారు.
భారత్ ఓపెనింగ్ బ్యాటర్ అయిన రోహిత్ శర్మ బుధవారం భారత్ కు కొత్త వన్డే కెప్టెన్‌గా ఎంపికయ్యాడు మరియు వచ్చే ఏడాది జనవరిలో జరిగే దక్షిణాఫ్రికా సిరీస్‌తో ప్రారంభమయ్యే విరాట్ కోహ్లీ నుండి రోహిత్ శర్మ బాధ్యతలు స్వీకరించనున్నాడు. గంగూలీ స్వయంగా తానూ సెలక్టర్ల ఛైర్మన్ కూడా కోహ్లీతో మాట్లాడినట్లు గంగూలీ తెలిపాడు.
ఇన్నాళ్ళు పరిమిత ఓవర్ల ఫార్మాట్‌లో టీమిండియాకు కెప్టెన్ గా కోహ్లి అందించిన సహకారానికి మరియు సేవలకు భారత మాజీ కెప్టెన్ గంగూలీ ధన్యవాదాలు తెలిపాడు. “ఇది బీసీసీఐ మరియు సెలెక్టర్లు కలిసి తీసుకున్న నిర్ణయం, నిజానికి, టీ20ఐ కెప్టెన్‌గా వైదొలగవద్దని విరాట్‌ను అభ్యర్థించింది, కానీ అతను దానికి అంగీకరించలేదని అన్నారు. ఈ నేపథ్యంలో సెలెక్టర్లు ఇద్దరు వేర్వేరు కెప్టెన్‌లను కలిగి ఉండటం సరైనదని భావించలేదు” అని గంగూలీ తెలిపాడు.
అందువల్ల విరాట్ కోహ్లీ టెస్టు కెప్టెన్‌గా కొనసాగించాలని, రోహిత్ ను వైట్ బాల్ కు కెప్టెన్‌గా బాధ్యతలు చేపట్టాలని నిర్ణయించారు. అధ్యక్షుడిగా నేను వ్యక్తిగతంగా విరాట్ కోహ్లీతో మాట్లాడాను మరియు సెలెక్టర్ల ఛైర్మన్ కూడా అతనితో మాట్లాడారని గంగూలీ తెలిపారు.
అలాగే రోహిత్ శర్మ నాయకత్వ సామర్థ్యాలపై మాకు పూర్తి విశ్వాసం ఉంది, విరాట్ టెస్టు కెప్టెన్‌గా కొనసాగుతాడు. భారత క్రికెట్ మంచి చేతుల్లో ఉందని బీసీసీఐ తరఫున మేము విశ్వసిస్తున్నాము. వైట్-బాల్ ఫార్మాట్‌లో కెప్టెన్‌గా విరాట్ కోహ్లీ అందించిన సహకారానికి మేము కృతజ్ఞతలు తెలియజేస్తున్నాము,” అని బీసీసీఐ అధ్యక్షుడు తెలిపారు.
ఆల్-ఇండియా సీనియర్ సెలక్షన్ కమిటీ దక్షిణాఫ్రికాతో రాబోయే మూడు మ్యాచ్‌ల టెస్ట్ సిరీస్ కోసం 18 మంది సభ్యులతో కూడిన జట్టును ఎంపిక చేయడంతో రోహిత్ భారత జట్టుకు టెస్ట్ వైస్ కెప్టెన్‌గా కూడా ఎంపికయ్యాడు. డిసెంబర్ 26 నుండి ప్రారంభం కానున్న టెస్ట్ సిరీస్ ఐసీసీ ప్రపంచ టెస్ట్ ఛాంపియన్‌షిప్ యొక్క కొత్త చక్రంలో భాగంగా ఉంటుంది.