ముంబై: దక్షిణ కొరియా స్మార్ట్ ఫోన్ల దిగ్గజం అయిన శాంసంగ్ కంపెనీ భారత దేశ మార్కెట్లోకి గురువారం కొత్త స్మార్ట్ ఫోన్ మోడల్‌ ని విడుదల చేసింది. శాంసంగ్ గెలాక్సీ ఎం31ఎస్ గా పిలువబడే ఈ స్మార్ట్‌ఫోన్‌ రెండు వేరియంట్లలో లాంచ్ చేసింది. దేశవ్యాప్తంగా ఈ ఆగస్ట్‌ 6వతేది నుంచి అమెజాన్‌, శాంసంగ్.కామ్‌ వెబ్ సైట్లలో లభ్యమవుతాయని కంపెనీ తెలిపింది.
అలాగే కొన్ని ఎన్నుకోబడీన రిటైల్‌ స్టోర్లలో కూడా కస్టమర్లకు అందుబాటులో ఉంచుతామని తెలిపింది. ఈ స్మార్ట్‌ఫోన్‌ మిరాజ్‌ బ్లూ, మిరాజ్‌ బ్లాక్‌ రెండు రంగులలో లభిస్తుంది. బయోమెట్రిక్‌ సదుపాయం కోసం సైడ్‌ – మౌంటెడ్ ఫింగర్ ప్రింట్ స్కానర్ ఉంది.
డ్యూయల్‌ సిమ్‌ సౌకర్యం కలదు. ఆండ్రాయిడ్ 10 ఆధారిత వన్ యూఐ 2.0 ఆపరేటింగ్ సిస్టంపై ఈ ఫోన్ పనిచేయనుంది. ఈ ఫోన్‌లో రివర్స్ ఛార్జింగ్‌ సదుపాయం కూడా ఉంది. దీంతో వేరే మొబైల్‌ను రివర్స్ ఛార్జింగ్‌ చేయొచ్చు. సింగిల్‌ టేక్‌ కెమెరా మోడ్‌ ఈ ఫోన్ ప్రత్యేకత. ఈ ఫీచర్‌ ద్వారా ఒకేసారి యూజర్లు ఫొటోలు, వీడియోలు తీసేందుకు వీలవుతుంది. సింగిల్‌ టేక్‌ ఫీచర్‌ శాంసంగ్ ప్రీమియం గెలాక్సీ ఫోన్లలో అందుబాటులో ఉంది.
శాంసంగ్ గెలాక్సీ ఎం31ఎస్ ఫీచర్లు
6.5 ఇంచుల పంచ్‌ హోల్‌ డిప్లే, నాలుగు కెమెరాలను కలిగి ఉంది.
ముందువైపు 32మెగా ఫిక్సెల్‌ సెల్ఫీ కెమెరా, వెనుక వైపు 3ప్రధాన కెమెరాలున్నాయి.
64+12+5 మెగాఫిక్సెల్‌ సామర్థ్యాన్నికలిగి ఉన్నాయి.
ప్రధాన కెమెరా 64 మెగాపిక్సల్‌ కెపాసిటి, క్వాడ్‌ రేర్‌ కెమెరా
6000ఎంఏహెచ్‌ బ్యాటరీ సామర్థ్యం, 25W ఫాస్ట్ చార్జింగ్ ను కూడా ఈ ఫోన్ సపోర్ట్ చేయనుంది.
శాంసంగ్ గెలాక్సీ ఎం31ఎస్ ధరలు
6 జీబీ ర్యామ్ + 128 జీబీ స్టోరేజ్ వేరియంట్‌ ధర రూ.19,499
8 జీబీ ర్యామ్ + 128 జీబీ స్టోరేజ్ వేరియంట్‌ ధర రూ.21,499