సమంత సూచించిన రెడ్ లైట్ థెరపీ రహస్యాలు

లైఫ్ స్టైల్: ప్రముఖ నటి సమంత ఇటీవల ఇన్‌స్టాగ్రామ్‌ ద్వారా తన చర్మ సౌందర్యానికి సంబంధించిన రహస్యాలను పంచుకున్నారు.

ఇందులో భాగంగా, ఆమె రెడ్ లైట్ థెరపీ గురించి ప్రస్తావించడమే కాకుండా, ఇది తన చర్మ కాంతిని ఎలా పెంచుతుందో వివరించారు. ఈ రెడ్ లైట్ థెరపీ సౌందర్యంపై ఆసక్తి ఉన్నవారిని ఎంతో ఆకర్షిస్తోంది.

చర్మం కాంతివంతంగా ఉండేందుకు మేకప్‌ మాత్రమే కాదు, శరీరాన్ని ఆరోగ్యంగా ఉంచడం, చర్మ సంరక్షణను తీసుకోవడం కూడా ముఖ్యమని సమంత వెల్లడించారు. ఈ క్రమంలో, తాను ‘డే ఇన్ మై లైఫ్’ అనే వీడియోలో చర్మ ఆరోగ్యం కోసం తీసుకుంటున్న ప్రత్యేక చికిత్సల్లో రెడ్ లైట్ థెరపీని వివరించారు.

రెడ్ లైట్ థెరపీ అంటే ఏంటి?
రెడ్ లైట్ థెరపీ (RLT) అనేది చర్మ సౌందర్యాన్ని మెరుగుపరచడం, పలు ఆరోగ్య సమస్యలను తగ్గించడం కోసం ఉపయోగించే ఒక వైద్య పద్ధతి. ఈ చికిత్సలో తక్కువ-స్థాయి ఎరుపు కాంతి తరంగాలను ఉపయోగించి చర్మంపై ప్రభావం చూపిస్తారు. దీన్ని లో-లెవల్ లైట్ థెరపీ (LLLT) లేదా ఫోటోబయోమోడ్యులేషన్ అనే పేర్లతో కూడా పిలుస్తారు. హార్వర్డ్ మెడికల్ స్కూల్ పరిశోధనల ప్రకారం, ఈ విధానం చర్మం పటుత్వం, మెరుపు, వృద్ధాప్య ఛాయలు తగ్గించడంలో ఉపయోగపడుతుంది.

చర్మం పై రెడ్ లైట్ థెరపీ ప్రయోజనాలు:

1. కొల్లాజెన్ ఉత్పత్తి పెరుగుదల: వయసు పెరుగుదలతో కొల్లాజెన్ తగ్గిపోవడం వల్ల చర్మం ముడతలు పడుతుంది. రెడ్ లైట్ థెరపీ కొల్లాజెన్ స్థాయిని పెంచి చర్మం యువకాంతిని తిరిగి తెస్తుంది.
2. మొటిమలు తగ్గించడం: ఈ చికిత్స ద్వారా మొటిమలు, చర్మ వాపు తగ్గించవచ్చు. ఇది చర్మ కణాల ప్రణాళికను మెరుగుపరచడంలో సహాయపడుతుంది.
3. యాంటీ-ఏజింగ్ ప్రయోజనాలు: ఈ థెరపీ వృద్ధాప్య ఛాయలను తగ్గిస్తుంది. ఫైబ్రోబ్లాస్ట్ ఉత్పత్తిని ప్రేరేపించి, చర్మం ముడతలు తగ్గడానికి సహకరిస్తుంది.

రెడ్ లైట్ థెరపీకి ఖర్చు:
ఈ చికిత్స సాధారణంగా 3000 నుంచి 5000 రూపాయల వరకు ఖర్చవుతుంది. ముందు వైద్యుల సూచనలు తీసుకుని, వారి పర్యవేక్షణలోనే ఈ చికిత్సను చేయించుకోవడం మంచిది.

NOTE: ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు ఖచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.