మూవీడెస్క్: పుష్ప 2: 1000 కోట్ల క్లబ్! ఇండియన్ సినిమా చరిత్రలో 1000 కోట్ల క్లబ్ చేరడం ఒక పెద్ద రికార్డ్.
గతంలో బాలీవుడ్ ఆధిపత్యం కొనసాగిస్తే, ఇప్పుడు టాలీవుడ్ సినిమాలు కూడా ఆ రికార్డులను తిరగరాస్తున్నాయి.
బాహుబలి 2 ప్రారంభించిన ఈ ప్రయాణం, ఆర్ఆర్ఆర్, కేజీఎఫ్ 2 వంటి సినిమాల ద్వారా కొనసాగింది.
ఇప్పుడు పుష్ప 2: ది రూల్ ఆ ఘనతను మరో లెవెల్కు తీసుకెళ్లింది.
కేవలం ఆరు రోజుల్లోనే 1000 కోట్ల గ్రాస్ వసూలు చేసి, పుష్ప 2 అత్యంత వేగంగా ఈ క్లబ్లో చేరిన ఇండియన్ సినిమాగా నిలిచింది.
అల్లు అర్జున్ నటన, సుకుమార్ దర్శకత్వం, దేవి శ్రీ ప్రసాద్ సంగీతం సినిమాకు ప్రధాన బలంగా నిలిచాయి.
పుష్ప 1 క్రేజ్ ఈ సినిమా సక్సెస్కు మరింత ఊపందించింది.
ఇప్పటి వరకు బాహుబలి 2 (10 రోజులు), ఆర్ఆర్ఆర్, కేజీఎఫ్ 2 (16 రోజులు), జవాన్ (18 రోజులు) 1000 కోట్ల క్లబ్లో చేరిన ఇతర పెద్ద సినిమాలు.
అయితే పుష్ప 2 అందుకున్న స్పీడ్ బాక్సాఫీస్ దగ్గర కొత్త రికార్డులు సృష్టిస్తోంది. హిందీ బెల్ట్లోనూ ఈ సినిమాకు అనూహ్యమైన ఆదరణ లభించింది.
ఈ ఘనత టాలీవుడ్ సినిమాలకు మాత్రమే కాదు, భారతీయ సినిమా సత్తా ప్రపంచానికి చాటిచెబుతోంది.