నార్త్ అమెరికాలో హైయెస్ట్ కలెక్షన్స్ అందుకున్న సినిమాలు

మూవీడెస్క్: నార్త్ అమెరికాలో ఉన్న భారతీయ ప్రేక్షకుల వలన, మన టాలీవుడ్, బాలీవుడ్ సినిమాలకు మంచి ఆదరణ లభిస్తోంది.

అక్కడి డిస్ట్రిబ్యూటర్లు పెద్ద ఎత్తున మన సినిమాలను కొనుగోలు చేస్తున్నారు. అందులో కొన్ని సినిమాలు పెద్ద హిట్స్ అవుతుండగా, మరికొన్ని డిజాస్టర్ అవుతున్నాయి.

2024లో అత్యధికంగా వసూళ్లు చేసిన ఇండియన్ సినిమాల జాబితాలో, మొదటి స్థానంలో ప్రభాస్ నటించిన కల్కి 2898 AD ఉంది.

ఈ చిత్రం నార్త్ అమెరికాలో 18.6 మిలియన్ డాలర్స్ వసూలు చేసింది. ఇది ప్రభాస్ కెరీర్‌లో రెండవ అత్యధిక కలెక్షన్స్ సాధించిన చిత్రం.

దీని తరువాత  హృతిక్ రోషన్ నటించిన ఫైటర్ ఉంది, ఈ సినిమా 7.62 మిలియన్ డాలర్స్ వసూలు చేసి రెండో స్థానంలో నిలిచింది.

ఇక మూడవ స్థానంలో శ్రద్ధా కపూర్ నటించిన స్త్రీ 2, 6.33 మిలియన్ డాలర్స్ వసూళ్లతో ఉంది. 

హనుమాన్ చిత్రం 5.31 మిలియన్ డాలర్స్ కలెక్షన్స్‌తో నాలుగవ స్థానంలో నిలిచింది. ఆ తర్వాత జట్ & జూలియట్ 3 చిత్రానికి 4.7 మిలియన్ డాలర్స్ వచ్చాయి.

ఇక తెలుగులో సిద్దు జొన్నలగడ్డ నటించిన టిల్లు స్క్వేర్ సినిమా 2.93 మిలియన్ డాలర్స్ వసూలు చేసి టాప్ 7లోకి చేరింది.

సూపర్ స్టార్ మహేష్ బాబు గుంటూరు కారం చిత్రం 2.63 మిలియన్ డాలర్స్ వసూళ్లతో ఎనిమిదవ స్థానంలో నిలిచింది.