మూవీడెస్క్: ప్రశాంత్ నీల్ దర్శకత్వంలో వచ్చిన కేజీఎఫ్ సిరీస్, ముఖ్యంగా “కేజీఎఫ్ చాప్టర్ 2,” ఎంతటి ఘన విజయాన్ని సాధించిందో అందరికీ తెలిసిందే.
ఈ సినిమా 1250 కోట్లకు పైగా వసూళ్లు చేసి భారతీయ సినీ చరిత్రలో స్థిరమైన స్థానాన్ని సంపాదించుకుంది.
కేజీఎఫ్ 3 కూడా వస్తుందనే క్లారిటీని హోంబలే ఫిలిమ్స్ నిర్మాత విజయ్ కిరంగదూర్ ఇచ్చారు. లేటెస్ట్ టాక్ ప్రకారం 2025 లోనే ఈ ప్రాజెక్ట్‌ను మొదలు పెట్టనున్నారని వార్తలు వస్తున్నాయి.
మరోవైపు, ప్రశాంత్ నీల్ ఇప్పటికే ఎన్టీఆర్‌తో “డ్రాగన్” సినిమా ప్రారంభించారు. ఈ సినిమా 2026 సంక్రాంతికి విడుదల చేయాలని ప్లాన్‌ చేస్తున్నారు.
ప్రశాంత్ నీల్ గత ఏడాది “సలార్” సినిమాతో ప్రభాస్‌ను మరోసారి ప్రేక్షకుల ముందుకు తీసుకువచ్చారు. ఇది కమర్షియల్‌గా మంచి విజయాన్ని అందుకుంది.
సలార్ 2 గురించి చాలా ఊహాగానాలు వినిపిస్తున్నాయి. అయితే ఇప్పుడు సలార్ 2 భవిష్యత్తుపై పలు అనుమానాలు వ్యక్తమవుతున్నాయి.
ప్రశాంత్ నీల్ ప్రస్తుతం ఎన్టీఆర్‌తో పని చేస్తున్న నేపథ్యంలో “సలార్ 2” ప్రాజెక్ట్ పక్కన పెట్టబడిందా? అన్న సందేహాలు డార్లింగ్ ప్రభాస్ అభిమానులను కలవరపెడుతున్నాయి.
దీనిపై ఇంకా స్పష్టత రాలేదు, కానీ కేజీఎఫ్ 3 ప్రాజెక్ట్ ప్రారంభమయ్యే వార్తలు వీటిని మరింత హైప్ చేస్తున్నాయి.
అసలు “సలార్ 2” ప్రాజెక్ట్ ఆలస్యం అవుతుందా, లేదా రద్దు అవుతుందా అన్నదే అందరికి అనుమానంగా ఉంది.