ఆంధ్రప్రదేశ్‌: ఖాళీగా ఉన్న రాజ్యసభ స్థానానికి ఉపఎన్నిక తేదీ ఖరారైంది. కేంద్ర ఎన్నికల సంఘం అధికారికంగా ఎన్నికల షెడ్యూల్‌ను ప్రకటించింది. వైఎస్సార్ కాంగ్రెస్ పార్టీ ఎంపీ వి. విజయసాయి రెడ్డి రాజీనామా చేయడంతో ఈ స్థానం ఖాళీ అయింది. దీన్ని భర్తీ చేసేందుకు అవసరమైన ఎన్నికల ప్రక్రియ ప్రారంభమైంది.
సీఈసీ ప్రకటన ప్రకారం, ఈ నెల (ఏప్రిల్) 29వ తేదీ వరకు అభ్యర్థులు తమ నామినేషన్లను దాఖలు చేయవచ్చు. తర్వాతి రోజు, ఏప్రిల్ 30న నామినేషన్లను అధికారులు పరిశీలించనున్నారు. నామినేషన్లు ఉపసంహరించుకోవడానికి మే 2వ తేదీ వరకు గడువు విధించారు.
అన్నివిధాలా ఏర్పాట్లు పూర్తి చేసిన అనంతరం, మే 9న ఉదయం 9 గంటల నుంచి సాయంత్రం 4 గంటల వరకు ఎన్నికల పోలింగ్ నిర్వహించనున్నారు. అదే రోజు సాయంత్రం 5 గంటల నుంచి ఓట్ల లెక్కింపు చేపట్టనున్నారు. ఫలితం మే 9వ తారీఖే వెలువడనుంది.
ఈ ఉపఎన్నిక రాజకీయపరంగా కీలకం కానుంది. ఇటీవలే రాష్ట్రంలో సుదీర్ఘ రాజకీయ మార్పులు చోటుచేసుకున్న నేపథ్యంలో కొత్త ఎంపీ ఎంపికపై ఆసక్తి నెలకొంది. రాజ్యసభ స్థానం దక్కించుకోవాలని ప్రధాన పార్టీలన్నీ గట్టి ప్రయత్నాలు ప్రారంభించాయి.
వైసీపీ రాజీనామాతో ఖాళీ అయిన ఈ స్థానాన్ని ఎవరూ స్వాధీనం చేసుకుంటారన్నది మే 9వ తేదీన తేలనుంది. రాష్ట్ర రాజకీయాల్లో ఈ ఉపఎన్నిక ఫలితానికి ప్రాధాన్యత కలిగే అవకాశముంది.
rajya sabha, byelection, andhra pradesh, ec schedule, vijayasai reddy,